Мурдагы жаратылыш ресурстары, экология жана техникалык көзөмөл министри Динара Кутманова 9-августка чейин камакка алынды. Бул тууралуу Биринчи Май райондук соттун басма сөз кызматы кабарлады.
Маалыматка ылайык, УКМКнын Башкы тергөө башкармалыгынын тергөөчүсүнүн келтирген өтүнүчү менен Биринчи Май райондук соту 24-июлда ушул жылдын 9-августуна чейин Динара Кутманованы УКМКнын СИЗОсуна камакка алган.
Буга чейин, Динара Кутманова жаратылыш ресурстары, экология жана техникалык көзөмөл министрлигиндеги бир катар коррупциялык фактылар боюнча козголгон кылмыш ишинин алкагында, шыктандыруучу жана башкы уюштуруучу катары кармалганын УКМК билдирген.
Биздин Телеграм каналга катталыңыз
