Улуттук коопуздук мамлекеттик комитети коронавирус боюнча жалган маалымат тараткан  38 жаштагы адамды кармады.

Мекеменин басма сөз кызматы 22-мартта  кабарлагандай, такси кызматында иштеген Кубанычбек Шаимкулов аттуу адам социалдык тармак аркылуу “Жалал-Абад областтык клиникалык ооруканасында коронавирус жуктурган адамдар качып кетип, анын айынан дарыгерлер жумушун таштап кетүүдө” деген жалган маалыматтарды тараткан.

Шаимкулов кылган иши туура эместигин мойнуна алып, жалпы элден кичирим сурады.

https://www.facebook.com/100018367511755/videos/544504526171793/?d=n&sfns=mo

Учурда анын аракеттерине юридикалык баа берилип жатат.

Эскерте кетсек, жалган маалымат тараткандар үчүн мыйзам чегинде жоопко тартылат.