Жыл башынан бери өлкөдө автобус жана маршруткалардын катышуусунда 254 жол кырсык катталган. Бул тууралуу Жол кыймылынын коопсуздугун камсыздоо башкы башкармалыгынан кабарлашты.
Жол кырсыктарда 450 жаран ар кандай жаракат алып, тилекке каршы 31 киши каза болгон. Башкармалык билдиргендей, аталган көрсөткүч былтыркыга караганда азайганы менен олуттуу көйгөй бойдон калууда.
Жол эрежесин бузган автобус жана маршруткалардын айдоочуларына 4 миң 692 протокол түзүлүп, 377си кызматтан четтетилген.
ЖКККББ жүргүнчү ташыган коомдук унааларга көзөмөлдү күчөтүп, рейд жүргүзө тургунан белгиледи.
