Таласта караңгыда мал көрүнбөй калып, жол кырсыктын жаралышына бирден-бир себеп болуп жатат. Мындай нааразылыктар менен бир канча айдоочу Талас бийлигинин имаратынын алдына чыкты.

Алардын айтымдарында, түнкүсүн жол караңгы болуп, мал көрүнбөй калууда. Кээ бир жерлерде жол чырактар жок. Ошол себептен, малдарга түнкүсүн чагылып жарык боло турган ленталарды тагуу керек.

Ал эми облус жетекчиси Бакытбек Нарбеков нааразы тарапты кабыл алып, мал ээлерине түшүндүрүү иштерин жүргүзүп, малдарга атайын ленталарды тагууга тапшырма берилээрин убада кылды.

Бул нааразылыкка 15-октябрда Талас районундагы жол кырсыгы себеп болууда. Андан 9 киши каза тапкан.