Чүй облусунун Сосновка айылында кичинекей кыз каза тапкан жол кырсыгы болуп, айдоочу кармалды. Бул тууралуу облустук милициядан кабарлашты.

Кырсыктуу окуя 14-апрель күнү болгон. 39 жаштагы айдоочу «Hyundai Robex 140W» экскаватору менен Колесникова көчөсүндө бара жатып, жол жээгинде турган 2021-жылы туулган А.С.ны сүзүп кеткен. Кырсыктын натыйжасында кыз окуя болгон жерде каза болгон.

Бул факт боюнча Кылмыш-жаза кодексинин «Автотранспорт каражаттарынын кыймылынын жана аларды пайдалануунун коопсуздук эрежелерин бузуу» беренеси менен кылмыш иши козголду.

Айдоочу кармалып, убактылуу кармоочу жайга киргизилди. Тиешелүү экспертизалар дайындалып, тергөө иштери уланууда.