Борбор калаада  бири-бирине ок атышкан окуя боюнча 6 киши кармалды. Бул туурасында Бишкек шаардык милициясынан билдиришти.

Маалыматка караганда,  чыр-чатак ок атуучу курал колдонуудан улам чыккан. Окуя болгон жерди кароо учурунда травматикалык тапанча жана үч патрон, тапанча гильзалар менен табылган.

Учурда “бейбаштык” беренеси менен кылмыш иши козголду.

Шектүүлөрдү улуулары 38, кичүүлөрү 28 жашта.  Алар убактылуу кармоочу жайга киргизилип, териштирүү жүрүүдө.

Окуяга катыштыгы бар башкалар дагы изделүүдө.

22-декабрь күнү түн ичинде Бишкек шаарынын кайсы бир көчөсүндө 10-15 киши ортосунда мушташтын акыры  бири-бирине ок атышуу менен жыйынтыкталган. Ал окуя видео тасмага түшүп калып, ал социалдык тармактарда тараган болчу.