Министрлер кабинети дары-дармектерди жана медициналык буюмдарды Кыргызстандан ташып чыгууга 6 айга тыюу салды. Бул тууралуу өкмөттүн басма сөз кызматынан билдиришти.

Чечим калктын өмүрүн жана ден соолугун коргоо, өлкөдө оор эпидемиологиялык кырдаалдын алдын алуу иретинде дары-дармек жана медициналык багыттагы буюмдар менен камсыз кылууда олуттуу тартыштыкты болтурбоо максатында кабыл алынды.

Ташып чыгууга убактылуу тыюу салуу жөнүндө чечимге министрлер кабинетинин төрагасы кол койгон жана токтом расмий жарыяланган күндөн тартып он беш күн өткөндөн кийин күчүнө кирет.