Каракол шаарынын тургуну мыйзамсыз кыйылган карагайды пилорамага сатууга аракет кылган. Бул тууралуу Айыл чарба министрлигинин басма сөз кызматы билдирди.
Маалыматка ылайык, Каракол шаарынын тургуну Каракол токой чарбасын айланып өтүп бара жатып, 8 карагайды мыйзамсыз кыюу фактысы боюнча токой чарба жана туристтик-экологиялык милиция кызматкерлери тарабынан кармалган. Ал Садус пилорамасындагы кыйылган бактарды сатууга аракет кылган.
Бак-дарактарды мыйзамсыз кыюу фактысы боюнча кылмыш иши козголуп, учурда тергөө иштери жүрүп жатат. Айлана-чөйрөгө келтирилген зыянды эксперттер баалап жатышат.
