Жогорку Кеңештин 23-июндагы жыйынында депутат Коргонбай Жусупбек уулу өлкөдөгү кымбатчылык маселесин көтөрдү.
Анын айтымында, бул боюнча өкмөт атайын программа түзүшү керек.
“Кымбатчылык басты. Эттин баасы 600 сомдон ашып кетти. Суу майдын литри 170 сом, кум шекер 105 сом, сүт 70 сомдон ашты. Биздин малчылар уйдун сүтүн 20 сомдон тапшырат, бирок дүкөндөрдө 70 сомдон сатылат. Өкмөт атайын программа түзүп, кымбатчылыктын алдын алуусу керек”, — деди депутат.
Ошондой эле, ал жумуш орундарын түзүү боюнча жергиликтүү өндүрүшчүлөргө атайын программа түзүүнү сунуштап: “Мигранттарды Лондонго, Америкага жиберип жатабыз деп мактанбашыбыз керек. Аларга жумуш орундарын түзүп, кайра кайтарышыбыз зарыл”, — деди.
