Орусиялык ырчы Валерия НТВ каналында жаңы шоу тартуу учурунда сахнадан жыгылып кетти. 54 жаштагы ырчы окуянын видеосун Instagram баракчасына жайгаштырган.

Валерия жардамга муктаж эмес, ал өз алдынча туруп, андан ары тартуу иштерин уланткан.

“Мен патриарх Кирилл менен тилектештигимди көрсөтүүнү чечтим, ал бүгүн кызматта тайгаланып жыгылды. Бирок, чындап айтсам, бул мен үчүн биринчи жолу болуп жатат, мен эч качан сахнага жыгылган эмесмин. Биз жаңы телеберүүнү тартып жатканбыз. Пол. караңгы, жалтырак, тепкичтердин четтери көрүнбөйт – бир мен аны көргөн жокмун. Тиземди оорутуп алдым, бирок жашаса болот. Кийинки жолу абайлайм. Тынчсыздангандардын баарына Рахмат”, – деп жазган орус ырчысы.