Эркин журналист Семетей Талас уулу ИИМдин башкы тергөө башкармалыгына суракка алынып кетти. Бул тууралуу Reporter.kg’ге журналист өзү билдирди.
Анын айтымында, милиция кызматкерлери ал кайсы иш боюнча суракка алынарын айткан эмес жана эч кандай кагаздарды көрсөткөн эмес.
«ИИМдин башкы тергөө башкармалыгына алып кетишти. Кайсы иш боюнча экенин айтышкан жок», — деди ал.
Бул боюнча ИИМдин басма сөз кызматына кайрылганыбызда, алар журналист суракка алынып келгенин тастыктап, сурак кайсы иш боюнча болорун тактап берерин билдиришти.
Семетей Талас уулу уюшкан кылмыштуу топ, коррупциялык иштер тууралуу макалаларды жазып келет. Ал социалдык тармактардагы баракчасында коомдук-саясий окуяларга оюн ачык жазып келгени белгилүү.
Биздин Телеграм каналга катталыңыз
