Республикалык клиникалык жугуштуу оорулар ооруканасына бир сутка ичинде 347 бейтап кайрылган. Бул тууралуу Саламаттык сактоо министрлигинин басма сөз кызматы билдирет.

Маалыматка караганда,  кайрылгандардын ичинен 278и жаш балдар. Алардын 81и ооруканага жаткырылган, бейтаптардын 71и жаш балдар.

Курч мүнөздөгү ичеги-карын инфекциялары менен 9 адам кайрылса, 4 бейтап ооруканага жаткырылып, 5 адамга амбулатордук жардам көрсөтүлгөн.

Курч мүнөздөгү вирустук инфекциялар менен 192 адам кайрылган, алардын 48и ооруканага жаткырылып, 144 бейтапка амбулатордук жардам көрсөтүлгөн.