Ысык-Көлдүн Балыкчы шаарында алдамчылыкка шектелип кримтөбөл кармалды. Бул тууралуу облустук милициядан билдиришти.

Маалыматка караганда, буга чейин Балыкчынын милициясына бир жаран кайрылып, аны алдап кетип, 3 млн сомдон ашык зыян келтирген адамга чара көрүүнү суранган.

Аталган окуяга байланыштуу Кылмыш-жаза кодексинин 209-беренеси (алдамчылык) боюнча кылмыш иши козголуп, милиция жана УКМК кызматкерлери тарабынан шектүү катары 49 жаштагы Б.Б. аттуу жаран кармалган.

Милициянын маалыматы боюнча, кармалган жаран – кылмыш дүйнөсү менен тыгыз байланышы бар адам, алардын идеологиясын карманат. Ошондой эле ал Балыкчы шаарынын кримтөбөлү экени маалым.

Шектүү убактылуу кармоочу жайга камакка алынган.Учурда тергөө амалдары уланууда.

Биздин Телеграм каналга катталыңыз