Жалал-Абаддын Токтогул районунда мал уурулукка шектүүлөр кармалды. Бул тууралуу облустук милициядан билдиришти.

Маалыматка караганда, Токтогулда 30-январга караган түнү белгисиз адамдар 78 жаштагы тургундун мал сарайынын кулпун бузуп кирип, 90 миң сомдук уюн уурдап кеткен.

Аталган фактыга байланыштуу Кылмыш-жаза кодексинин 205-1-беренеси (мал уурдоо) боюнча кылмыш иши козголгон.

Ыкчам-тергөө иштеринин натыйжасында шектүү катары 21 жаштагы Р.М., А.Р. жана М.А. аттуу жарандар кармалган. Соттун чечими менен алар тергөө аяктаганча 1 айга камакка алынган.

Тергөө амалдарынын жүрүшүндө Р.М. мурда тоноо фактысы боюнча соттолгону белгилүү болгон.

Учурда тергөө уланууда.