Ош облусунун Араван районунда капустанын басай сорту бышып, дыйкандар экспортко чыгарышууда. Айыл чарба министрлигинни маалыматында, бул аймакта башка жерлерге салыштырмалуу жашылча жемиштер 2-3 жума эрте бышат.

Мекеменин маалыматында, биздин өлкө капустаны негизинен Казакстан менен Орусияга экспорттойт.

Араван райондук агрардык өнүктүрүү бөлүмүнүн башчысы Галдарбек Мадалиев бул аймакта биринчи капуста бышып экспортко чыгарын, андан кийин бадыраң, помидор, картошка, кулпунай, кокон гилас бышып, сыртка сатыкка кетерин билдирген.

Министрлик тийиштүү адистер дыйкандарга түшүмүн экспортко чыгарууда тийиштүү документтерин даярдоодо көмөк көрсөтүп жатканын кошумчалады.