Казакстанда окуучулар намаз окуган видео кайсы мектепте тартылганы такталууда. Бул тууралуу кошуна өлкөнүн билим берүү министри Гани Бейсембаев билдирди.

Ал видео тартылган окуу жайы аныкталгандан кийин чара көрүлөрүн айтты.

“Мектеп – бул билим берүү мекемеси. Анда эч кандай диний жөрөлгөлөр жасалбашы керек”, – деди ал.

Министр билим берүү мекемелеринде намазканаларды ачууга дагы каршы чыкты. Анын айтымында, мектептерде билим менен тарбияга гана берилет.

Белгилей кетсек, Казакстандын социалдык тармагында намазга жылгылган балдардын видеосу таркаган.

Биздин Телеграм каналга катталыңыз