Бишкекте үч жигит тоноого шектелип кармалды. Бул тууралуу Ленин райондук милициясынан билдиришти.

Маалым болгондой, 4-майда милицияга шаар тургуну кайрылган. Ал билдиргендей, 29-апрелде белгисиз үч адам ага күч колдонуп, 50 миң сомдук iPhone 11 телефонун жана 12 миң сом акчасын тартып алган.

Аталган факт боюнча Кылмыш-жаза кодексинин 206-беренесине (тоноо) ылайык кылмыш иши козголгон.

Ыкчам-тергөө иштеринин натыйжасында шектүү катары 26 жаштагы Д.Д., 25 жаштагы Ф.А. жана 29 жаштагы Ч.Д. аттуу жарандар кармалган. Алар убактылуу кармоочу жайга камакка алынды.