Бүгүн, 23-февралда, Борбордук шайлоо комиссиясы Жогорку Кеңештин депутаты Кундузбек Сулаймановду ыйгарым укуктарын мөөнөтүнөн мурда токтотту.

БШКнын маалыматында, Сулайманов мандатын жеке арызынын негизинде тапшырган. Ал мандатын эмне себептен тапшырганы айтылган жок.

Сулайманов Жогорку Кеңешке 2025-жылдын декабрында №14 шайлоо округунан шайланып келген. Учурда анын ордуна, бош калган депутаттык орунга Кыргызстандын Куралдуу күчтөрүнүн башкы штабынын мурдагы башчысы Раимберди Дүйшөнбиев келери айтылууда.