24-февралдан тарта «Бишкек электр тармактар» ишканасы электр энергиясына карызы бар 6 миң абонентти аралыктан өчүрө баштайт. Бул тууралуу ишкананын басма сөз кызматы билдирди.

Мындан улам ишкана абоненттерди электр энергиясы үчүн эсеп-кысапты өз убагында жүргүзүүгө чакырат. Төлөмдөрдү банк жана электрондук капчыктар аркылуу төлөөгө болот, ошондой эле «Кыргызпочтасы» ишканасынын кассалары төлөмдөрдү кабыл алат.

Абоненттер өз эсебинин абалын Бишкек электр тармактар ишканасынын расмий сайтындагы “Абоненттин балансы” рубрикасынан текшере алышат.