Кыргызстандын хоккейчилери Кытайда өтүп жаткан Кышкы Азия оюндарында чейрек финалдагы беттешинде жеңилди.
Беттеш бүгүн, 11-февралда өтүп, Кыргызстандын курамасы Түштүк Корея менен ойноду. Оюн 0:20 эсебинде жыйынтыкталды.
Жеңилүү ызасын тарткан Кыргызстандын хоккейчилери Азия оюндарындагы жарыштан четтеди.
Дене тарбия жана спорт департаменти билдиргендей, Кыргызстандын хоккей курамасы бул мелдеште 7-орунга татыды.
Эскерте кетсек, кыргызстандык хоккейчилер чейрек финалга чейинки оюндарында Кувейт, Бахрейн, Сингапур, Гонконг курамаларын уткан.
