.svg){kind=logo}
Бишкектин 7-апрель көчөсүндө жылуулук түтүгү жарылды. Мэрия оңдоо иши башталганын билдирдиКазакстан Starlink интернет-трафигин Кыргызстанга жана коңшу өлкөлөргө жеткирүүнү пландаштыруудаКамила Талиева президент менен Камчыбек Ташиевди ушакчылар уруштурганын айтып, аларды жараштырууну сунуштадыМарлен Маматалиев Жогорку Кеңештин жаңы төрагасы болотКыргызстан Германияны санкциялар маселесинде тең салмактуу мамиле жасоого чакырдыКыргызстан менен Өзбекстан Кытайга багытталган темир жол долбоорун илгерилетүүдө
Нарында кампалар жана жерлер мамлекетке кайтарылды
10.03.2025 | 17:32
Нарындын Кочкор жана Жумгал райондорундагы жеке менчикке берилип кеткен кыймылсыз мүлктөр жана жерлер мамлекетке өткөрүлүп берилди. Бул тууралуу Башкы прокуратура кабарлады.
Маалыматка ылайык, Кочкор райондук прокуратурасы тарабынан мурда мамлекеттин менчигинде болгон дан азыктарды сактоочу кампалар жана ага тийиштүү жер тилкеси жеке менчикке мыйзамсыз берилип кеткени аныкталган. Натыйжада баасы 100 миллион 750 миң сомду түзгөн кыймылсыз мүлк жана ага тиешелүү 5 гектар 5 сотых жер тилкеси мамлекеттин менчигине кайтарылды.
Ошондой эле, Жумгал районунун прокуратурасы жеке менчикке өтүп кеткен баасы 5 млн сомду түзгөн 23 сотых жер тилкесин мамлекеттин балансына кайтарган.
Рубрики: Жаңылыктар, Коом
