Иорданияда күрөш боюнча Азия чемпионаты уланууда.
Бүгүн, 27-мартта мелдештин үчүнчү күнүндө кыз-келиндер күрөшү боюнча таймаштар башталып, 50, 55, 59, 68 жана 76 кг салмакта беттештер өтөт.
Кыргызстандык балбан кыздардан бүгүн төртөө — Арууке Кадырбек кызы (55 кг), Таңчолпон Кыбалбекова (59 кг), Гүлнура Таштанбекова (68 кг) жана Айпери Медет кызы (76 кг) килемге чыгат.
Белгилей кетсек, 25-мартта башталган күрөш боюнча Азия чемпионатына 30-мартта аяктайт. Мелдештин биринчи жана экинчи күнүндө грек-рим күрөшү боюнча таймаштар болуп өттү.
Бул мелдешке барган кыргызстандык 10 грек-рим балбандын ичинен экөө медаль тагынды — Ырыскелди Максатбек уулу (77 кг) коло жана Раззак Бейшекеев (67 кг) күмүш утту.
