Кыргызстандыр президентинин администрациясы соңку жылдары чет өлкөлөрдө Кыргызстанга тиешелүү имараттар менен кызматтык батирлер сатып алынганын маалымдады.

Ага ылайык:

• Франция, Венгрия жана Түштүк Кореяда элчиликтер үчүн имараттар алынган;
• Германия жана Канадада — төрттөн кызматтык батир;
• Нью-Йоркто БУУдагы туруктуу өкүлчүлүк үчүн төрт батир жана өкүлдүн резиденциясы;
• Россиянын Новосибирск шаарында — Кыргызстандын башкы консулдугу үчүн бир батир сатып алынган.

Президенттин маалымат катчысы Аскат Алагөзов белгилегендей, буга чейин чет өлкөлөрдөгү дипломатиялык өкүлчүлүктөр кеңселер менен батирлерди ижарага алып келген.

“Мисалы, элчиликтер ижара үчүн айына орточо 2500–4500 доллар, Европада кеңсе ижарасы 5000–6500 еврого чейин жетчү. Эми мамлекет ижарага акча коротпойт. Менчиктеги имараттарга сарпталган каражат бир нече жылда эле өзүн актап коет”, — деп жазган Алагөзов.