Ош шаарында эт-май багытындагы жаңы «Ала-Тоо» породасындагы кыргыз койлорунун көргөзмөсү уюштурулду. Иш-чарага Казакстан, Өзбекстан, Азербайжан өлкөлөрүнөн коноктор жана Кыргызстандын жети облусунан фермерлер катышты.

Облустун жетекчиси Элчибек Жантаев сөз сүйлөп, жаңы породанын артыкчылыктарына токтолду. Анын айтымында, «Ала-Тоо» койлору эт менен майды сапаттуу өндүрүү мүмкүнчүлүгүн берип, климаттык шарттарга ыңгайлуулугу менен агрардык секторду жаңы деңгээлге чыгара алат.

Белгилүү болгондой, «Ала-Тоо» породасы кыргыз койлорун гиссар кочкорлору менен аргындаштыруу жолу аркылуу алынган.