Бишкек мэриясында газ менен жүрүүчү Zhong Tong жана электрдик Yutong автобустарынын эки үлгүсү көрсөтүлдү. Экөөнүн тең узундугу 8,9 метр, төмөн полдуу, кондиционерлер менен жабдылган жана ден соолугунун мүмкүнчүлүгү чектелген адамдарга ылайыкташтырылган.

Көрсөтмө тар көчөлөрдө жүрүүгө жөндөмдүү транспорт керек болгон конуштар үчүн 625 чакан автобус сатып алууга даярдык көрүүнүн алкагында өтүүдө.

Салыштырмалуу талдоо жүргүзүү үчүн кийинки жумада шаарга кошумча үлгүлөр келет. Сыноонун жыйынтыгы менен жеткирүүчү тандалып, сатылып алына турган транспорттун акыркы мүнөздөмөлөрү аныкталат.