Түркмөнстандын Ашхабад шаарында өткөн III Эл аралык математика олимпиадасында кыргызстандык окуучулар 1 алтын, 1 күмүш жана 4 коло медаль утуп алышты. Бул тууралуу Агартуу министрлиги маалымдады.

Чемпионат 8-13-апрель күндөрү өтүп, ага 12 өлкөдөн 198 окуучу катышты. Кыргызстандын атынан мелдешке 23 окуучу барган.

Алтын медалды Купуев Академиясынын 10-классынын окуучусу Адилет Шакиралиев алган. Ал эми «Газпром — Кыргызстан» мектебинин 7-классынын окуучусу Артём Яголковский күмүш медаль тагынды. Мындан тышкары төмөнкү окуучулар коло медаль алышкан:

• Алманбет Иметов (8-класс, Купуев Академиясы);
• Нурайым Мухаматнабиева (10-класс, «Акылман» Президенттик мектеби);
• Сайкал Мамарасулова (10-класс, «Сапат» ББМдин «Айчүрөк» лицейи);
• Тилек Нурмаматов (10-класс, «Сапат» ББМдин Курманбек Баатыр атындагы лицейи).

Агартуу министрлиги бул жеңишти окуучулардын, мугалимдердин жана ата-энелердин биргелешкен эмгегинин натыйжасы катары баалады.