Медициналык беткаптар Кыргызстандын аймактарына жеткирүүдө жана импорттоодо кошумча нарк салыгын төлөөдөн бошотулду. Тийиштүү чечимге премьер-министр Мухаммедкалый Абылгазиев кол койду. Бул тууралуу Өкмөттүн басма сөз кызматы билдирди.
Бул чечим калкты медициналык каражаттар менен камсыз кылуу максатында кабыл алынды.
Белгилей кетсек, Бүткүл дүйнөлүк саламаттык сактоо уюму буга чейин коронавирусту пандемия деп жарыялаган. Аталган уюмдун негизги сунуштарынын бири милдеттүү түрдө медициналык беткап тагынуу болуп саналат.
