2025-жылдын 21-октябрында саат 9:00дөн 15:00гө чейин “Ала-Тоо 1” жана “Ала-Тоо 2” жаңы конуштарында ичүүчү суу убактылуу өчүрүлөт.

Суу өчүрүү турак жайларга, мектептерге, бала бакчаларга, саламаттыкты сактоо мекемелерине жана башка социалдык жана өндүрүштүк объектилерге да тиешелүү болот.

Мэриянын маалыматына ылайык, өчүрүү “Ала-Тоо” суу алгычын жана шаардык суу түтүктөрүн оңдоо иштерине байланыштуу жүргүзүлүүдө.

“Бишкексууканал” ишканасы жарандардан жана мекемелерден ичүүчү сууну алдын ала камдап алууну өтүнүп, жаралган ыңгайсыздыктар үчүн кечирим сурайт.