Бишкек шаарынын мэри Айбек Жунушалиев борбор калаага метро куруу маселеси боюнча “Ала-Тоо 24” каналына берген маегинде жооп берди.

Анын айтымында, шаардын башкы планын иштеп жаткан адистер метро куруу кымбатка түшүр каларын айтышкан.

“Азыр ушул башкы планды иштеп аткан адистер метрону куруу кымбат жана өзүнүн актай турган мөөнөтү дагы абдан узак болорун айтып жатышат.. Алар бул кандай бир таасир дагы бербеши мүмкүн деген ойдо болуп жатышат. Ошондуктан көбүнчө азыр автобустарды тууралап, кыска маршруттарга бөлүнгөн жол тилкелерин жана башка нерселердин баарын иштеп чыга беребиз. Анан (адистер) трамвайга кызыгып жатышат”,- деп билдирген ал.