Бишкекте кургаган дарак жүрүп бараткан унаанын үстүнө кулап түштү

26.11.2025 | 17:30

Окуя 26-ноябрга караган түнү Элебесов көчөсүндө, Фере көчөсү менен кесилишкен жерде болду. Чоң, кургап калган дарак кулаган учуру жергиликтүү тургундун байкоо камерасына жазылып калган. Видеодо дарак Элебесов көчөсү менен өтүп бараткан унаанын үстүнө кулап түшкөнү көрүнөт.

Күбөлөрдүн айтымында, унаадан эч ким жабыркаган эмес. Окуя болгон жерде унаалар тыгыны пайда болгон, бирок коммуналдык кызматтар тез келип, даракты кыйып, жолду бошотушкан. Күбөлөр ошондой эле кулаган дарак кургап калганын белгилешти.

Scroll to Top