Бүгүн, 6-декабрда, өлкө башчы Садыр Жапаров туулган күнүн белгилөөдө. Президенттин 57 жашка чыгышы менен коңшу жана өнөктөш мамлекеттердин лидерлери куттуктады. Бул тууралуу президенттин басма сөз кызматы билдирди.

• Кытайдын төрагасы Си Цзиньпин Кыргызстан Кытайдын маанилүү коңшусу экенин белгилеп, эки өлкөнүн стратегиялык өнөктөштүгүн тереңдетүүдөгү биргелешкен аракеттерди жогору баалады. Садыр Жапаровго чың ден соолук жана иштерине ийгилик каалады.
• Орусиянын президенти Владимир Путин Жапаровдун эл аралык аброюн жана өлкөлөр ортосундагы стратегиялык өнөктөштүктү өнүктүрүүгө кошкон чоң салымын белгиледи. Президентке ден соолук, бакубат жашоо жана мамлекеттик ишинде ийгилик каалады.
• Казакстандын президенти Касым-Жомарт Токаев
  Жапаровдун жетекчилиги алдында Кыргызстандын стабилдүү өнүгүп жатканын баса белгилеп, эки өлкө ортосундагы кызматташтык мындан ары да кеңейерине ишеним билдирди. Ага күч-кубат жана үй-бүлөлүк бакубаттык каалады.
• Өзбекстандын башчысы Шавкат Мирзиёев Кыргызстандын бардык тармактарда тез өнүгүп жатканын жана эки өлкө ортосундагы достук жаңы деңгээлге чыкканын айтты. Садыр Жапаровго ден соолук, бакыт жана жооптуу иштерине ийгилик каалады.
• Тажикстандын президенти Эмомали Рахмон Кыргызстандын социалдык-экономикалык өсүшүнө Жапаровдун жетекчилиги чоң салым кошуп жатканын белгиледи. Президентке бекем ден соолук жана мамлекет үчүн ишинде ийгилик каалады.
• Беларустун президенти Александр Лукашенко Жапаровдун кесипкөйлүгүн жана стратегиялык чечимдерди кабыл алууда көрсөткөн лидерлигин жогору баалады. Президентке чың ден соолук жана жаратмандык ийгиликтерди каалады.
• Түркмөнстандын жетекчиси Сердар Бердымухамедов Садыр Жапаровдун жетекчилиги алдында Кыргызстандын маанилүү ийгиликтерге жетип жатканын белгиледи. Ага ден соолук, бакыт жана мамлекеттик ишинде ийгиликтерди каалады.
• Түркиянын арезиденти Режеп Тайып Эрдоган эки өлкөнүн стратегиялык өнөктөштүгү тынымсыз чыңдалып жатканын айтып, бул өнүгүүгө кубанычын билдирди. Президентке ден соолук, бакыт жана кыргыз элине гүлдөп-өнүгүү каалады.
• Азербайжандын президенти Ильхам Алиев Кыргызстан социалдык-экономикалык өсүү жолунда олуттуу ийгиликтерге жетип жатканын белгилеп, эки өлкөнүн достугу дагы тереңдей турганын айтты. Садыр Жапаровго бакубатчылык жана ийгилик каалады.
• Грузиянын президенти Михаил Кавелашвили Жапаровдун кошкон салымы Кыргызстандын өнүгүшү үчүн маанилүү экенин айтып, эки өлкөнүн кызматташтыгы жаңы деңгээлге чыгарына ишеним билдирди. Ага ден соолук жана ийгиликтерди каалады.
• Орусия өкмөтүнүн төрагасы Михаил Мишустин Орусия менен Кыргызстандын стратегиялык өнөктөштүгүн чыңдоого Жапаровдун салымы чоң экенин айтып, эки тараптуу долбоорлор ийгиликтүү уланаарын билдирди. Президентке бакыт жана жаңы ийгиликтерди каалады.
• Казакстандын тунгуч президенти Нурсултан Назарбаев Жапаровдун сапаттары жана эмгеги Кыргызстанды өнүктүрүүгө өбөлгө түзүп жатканын белгиледи. Өлкө башчыга ден соолук, ийгилик жана кыргыз элине бакубатчылык каалады.