8-март – Аялдардын эл аралык күнүнө карата Бишкекте тынчтык акциясын өткөрүүгө уруксат берүүнү суранып, уюштуруучулар президент Садыр Жапаровго кайрылуу жасашты.

Кайрылууда акциянын максаты — аялдарга карата зомбулуктун жана фемициддин алдын алуу, үй-бүлөлүк зомбулук маселелерине, ошондой эле аялдардын коопсуздугу менен укуктарын коргоого коомчулуктун көңүлүн буруу экени айтылат.

“Биз бул иш-чараны тынч, мыйзамдуу жана коомчулуктун аң-сезимин жогорулатууга багытталган форматта өткөрүүнү көздөйбүз. Сизден 8-март күнү Горький атындагы паркта бул коомдук акцияны өткөрүүгө колдоо көрсөтүп, уруксат беришиңизди суранабыз”,- деп кайрылышты уюштуруучулар өлкө башчыга.