Борбор калаанын 7-кичи районундагы Жукеев-Пудовкин көчөсүндө 245 унаага ылайыкталган көп кабаттуу унаа токтотуучу жай (паркинг) ачылды. Ачылыш аземине Бишкек шаарынын мэри Айбек Жунушалиев, шаардык кеңештин депутаттары жана калаа кызматтарынын жетекчилери катышты.

Жалпы аянты 11 миң чарчы метрден ашкан объект жер төлөдөн жана жер үстүндөгү беш кабаттан турат. Унаа токтотуучу жай короолорго түшкөн жүктөмдү азайтууга жана райондун тургундары менен конокторун ыңгайлуу унаа орундары менен камсыз кылууга багытталган.

Долбоордун башкы өзгөчөлүгү — спорттук инфратүзүмү бар, максаттуу пайдаланылуучу чатыр: имараттын үстүндө жаракат алуунун алдын алган атайын катмары бар үч теннис корту курулган. Мэриянын маалыматы боюнча, бул Кыргызстандагы алгачкы мындай чечимдердин бири болуп саналат.

Имараттын фасады перфорацияланган металл панелдерден жасалып, жарык диоддук (светодиоддук) экран менен толукталган. Унаа токтотуучу жайдын курулушу менен катар эле ага чектеш аймак да көрктөндүрүлдү: өтмөктөрдүн жана №4/1 турак үйдүн короосунун асфальт катмары жаңыланды, тротуарлар заманбапташтырылып, балдар аянтчасы жана коомдук транспорттун аялдамасы реконструкцияланды.