23–24-апрель күндөрү Манас шаарында XVII эл аралык «Китеп FEST – 2026» фестивалы өтөт. Иш-чара Жалал-Абад облустук китепканасынын 100 жылдык мааракесине арналып уюштурулууда.

Фестивалдын максаты — китеп басып чыгаруунун жетишкендиктерин жайылтуу, басмаканалар ортосундагы кызматташтыкты чыңдоо жана китеп окуу маданиятын өнүктүрүү болуп саналат.

Иш-чарага Кыргызстандан, ошондой эле Казакстан, Өзбекстан, Орусиядан келген акын-жазуучулар, басмаканалардын жана китепканалардын өкүлдөрү, маданият ишмерлери катышат.

Фестивалдын алкагында төмөнкү иш-чаралар өткөрүлөт:

• китеп көргөзмөлөрү;
• акын-жазуучулар менен жолугушуулар;
• концерттик программалар;
• адабий конкурстар;
• театрлаштырылган оюн-зооктор;
• интерактивдүү иш-чаралар.

Ошондой эле китеп жумалыгынын алкагында республиканын бардык китепканаларында китеп фестивалдары жана маданий иш-чаралар параллелдүү түрдө өткөрүлөт. Алсак, 22–23-апрель күндөрү Ош шаарында «Окурман Ош» фестивалы өтөт.