Убактылуу иштөө режими киргизилгенден бери Санитардык-экологиялык инспекциянын (СЭИ) инспекторлору 1 миллион 477 миң сомго 339 протокол түзүштү. Бул тууралуу калаа мэриясынын басма сөз кызматы билдирди.

Өткөн дем алыш күндөрү 15-16-августта инспекторлор 90го жакын ишкердик субъекттерин текшерип, Бузуулар жөнүндө Кодекстин 293-беренеси боюнча 12 протокол түзүшкөн. Айып пулдун суммасы 46 миң сомго жетти.

Белгилей кетсек, пандемия шарттарын бузгандардын арасында: “Кайнар”, “Палазио”, “Сары Өзөн” ресторандары, “Абстракт” кафеси, ошондой эле Киев менен Турусбеков көчөлөрүнүн кесилишиндеги “Народный” супермаркети, “Даамдуу” тез тамактануучу жайы бар.

Мындан ары дагы санитардык рейддер улантылат.