“Мекеним Кыргызстан” партиясы кайра өткөрүлө турган парламенттик шайлоого катышар-катышпасы белгисиз. Бул тууралуу бүгүн, 6-октябрда аталган партиянын лидери Мирлан Бакиров билдирди. 

Анын айтымында, бул маселе бүгүнкү күндө жалпы партиялык масштабда карала элек.

“Кайра өткөрүлө турган шайлоого “Мекеним Кыргызстан” катышары же катышпасы так эмес. Анткени бул маселени жалпы партия карашы керек. Башкы штаб, аймактардагы бөлүмдөрүндө каралышы керек дегендей. Бирок азыр маселе партияларда болуп, партиялар коомчулукка жакпай жатат. Андыктан, конституциялык өзгөрүүгө барып, жалгыз мандаттуу шайлоого кайтууга тийишпиз”, – деди Бакиров.