Кыргызстандык балбан Атабек Азисбеков Кытайда өтүп жаткан Азия оюндарында 5-орунга ээ болду.

Ал грек-рим күрөшү боюнча мелдешке 87 килограммга чейинки салмак ченинде катышкан.

Биринчи беттеште кыргызстандык спортчу Ирандын өкүлүнө утулуп, бирок коло үчүн күрөшүүгө мүмкүнчүлүк алды.

Кайталоо турниринин биринчи беттешинде Азисбеков түркмөнстандык спортчуну жеңип, бирок коло үчүн күрөштө Индиянын өкүлүнө утулуп калды.

Жыйынтыктоочу протоколдо кыргызстандык балбан 5-орунду ээледи.

Биздин Телеграм каналга катталыңыз