Кыргызстанда бир жуманын ичинде 400 миңден ашык айдоочу жана жүргүнчү коопсуздук курун тагынбаганы үчүн аныкталды. Бул тууралуу ИИМдин Жол кыймылынын коопсуздугун камсыздоо башкы башкармалыгы маалымдады.

Эске салсак, “Коопсуз өлкө” автоматташтырылган камералары 1-октябрдан тарта коопсуздук курун тагынбаган айдоочулар менен жүргүнчүлөрдү аныктап баштаган.

Эреже бузгандарга 1 000 сом өлчөмүндө айып пул каралган. Эгер айып 30 күндүн ичинде төлөнсө, сумма 300 сомго чейин кыскартылат.

ИИМ жарандарды жол эрежелерин сактоого, айрыкча коопсуздук курун милдеттүү түрдө тагынууга чакырат. Бул — айыптан эмес, өмүрдү сактап калуудан маанилүү экени белгиленет.