Бишкектин «Ак-Тилек» конушунда өспүрүм бала унаадан акча салынган сумканы уурдап кетти. Бул тууралуу Reporter.kg’ге акчасы уурдалган жаран Жетиген Искендеров билдирди.
Искендеровдун айтымында, окуя 10-октябрда анын тааныш иниси унаасын айдап кетип, «Ак-Тилек» конушуна жумуштары менен барганда болгон. Унаадан уурдалган сумкада Жетиген Искендеровдун 80 миң сомдон ашык акчасы, паспорт, айдоочулук күбөлүк сыяктуу документтери болгон.
Жетиген Искендеров социалдык тармактарга окуя тартылган видеону чыгаргандан кийин, бир жаран комментарийге уурдаган баланы тааный турганын, ал Ак-Тилектеги мектепте окуй турганын жазган.
Бул окуя боюнча Свердлов райондук милициясы маалыматты кийинчерээк берерин билдирди.
Бардык жаңылыктар Телеграм каналда
