2025-жылы Бишкек шаарында коомдук транспортто жол акысын төлөбөй жүргөн 369 жаран аныкталган. Мэриянын маалыматында, аларга жалпы 369 миң сом айып пул салынган.

Мэрия учурда текшерүү иштери күн сайын саат 9:00дон 18:00го чейин жүргүзүлүп жатканын билдирди. Жол акысын төлөбөгөн ар бир жүргүнчүгө 1000 сом өлчөмүндө айып пул салынып, протокол түзүлөт.

Мэрия жүргүнчүлөрдү коомдук транспортто жүрүү эрежелерин сактоого жана төлөмдөрдү өз убагында жүргүзүүгө чакырат.