26-июндан тарта Бишкек шаарында М. Иманалиев көчөсүн реконструкциялоо иштери башталат. Буга байланыштуу аталган көчөдө автоунаалардын кыймылына убактылуу чектөө киргизилет. Бул тууралуу борбор калаанын мэриясы кабарлады.

Оңдоо иштери эки этап менен жүргүзүлөт. Биринчи этапта көчөнүн Байтик Баатыр көчөсүнөн Жукеев-Пудовкин көчөсүнө чейинки бөлүгү жабылат. Экинчи этаптын алкагында болсо Жукеев-Пудовкин көчөсүнөн 7-Апрель көчөсүнө чейинки тилкеде кыймыл чектелет.

Мэрия шаар тургундарын жана айдоочуларды жол жүрүү багыттарын алдын ала пландаштырууга чакырды. Бул иштер шаардын жол тармагын жаңылоого жана тейлөө сапатын жогорулатууга багытталган.