Бишкек мэриясы 1-октябрга чейин күндүн ысык мезгилинде, саат 10:00дөн 19:00гө чейин 18 тоннадан ашкан жүк ташуучу унаалардын шаар ичинде жүрүшүнө убактылуу тыюу салды.

Чектөө тез бузулуучу азыктарды, гуманитардык жардамды ташыган жана муниципалдык тапшырма менен иш алып барган унааларга тиешелүү эмес.

Мэрия жана ЖККБ күн сайын рейд өткөрүп, эрежени бузгандарга катуу чара көрүлөрүн эскертти.