Жалал-Абад облусунун Сузак районунда тиричилик калдыктарын бул үчүн каралбаган жерлерге төккөнү үчүн эки мектептин администрациясына айып салынды. Бул тууралуу Экологиялык жана техникалык көзөмөл кызматы билдирди.

Пландуу текшерүүнү Жаратылыш ресурстары, экология жана техникалык көзөмөл министрлигине караштуу кызматтын Жалал-Абад аймактык башкармалыгы жүргүзгөн. Мыйзам бузуулар Манас атындагы №90 орто мектептин жана Мадумар-Ата атындагы №1 орто мектептин аймагынан аныкталган.

Укук бузуулар жөнүндө кодекске ылайык, ар бир мектептин администрациясына 17 миң сомдон айып салынды. Айып пулдун жалпы суммасы 34 миң сомду түздү.