Борбор калаада пенсионерлер менен майыптыгы бар жарандар үчүн арзан баада азык-түлүк саткан алгачкы «Евразия» социалдык дүкөнү өз ишин баштады. Дүкөн Токтогул көчөсү, 146/1 дарегинде жайгашкан.

Ачылыш аземинде Бишкек шаарынын мэри Айбек Жунушалиев бул калаа үчүн жакшы демилге экенин белгилеп, мындай иштерди улантуу зарылдыгын айтты:

«Бул багыттагы иштер жигердүү уланып, жыйынтыгын көрөбүз деп ишенем», — деди ал.

Белгилей кетсек, социалдык дүкөндөрдү ачуу демилгеси “Евразия” уюму менен түзүлгөн меморандумдун алкагында ишке ашууда. Уюмдун кеңешинин төрайымы Алена Аршинова дагы бир нече ушундай дүкөн ачылаарын маалымдады.