Бишкекте сексуалдык мүнөздөгү аракеттерге мажбурлоого шектүү кармалды. Бул тууралуу шаардык милициядан билдиришти.
Буга чейин блогер Назира Айтбекова соцтармактагы баракчасына бир кыздын окуясы тууралуу маалымат чыгарган. Анда бир эркек 18 жаштагы кызды 2 айдан бери зордуктап жүргөнү, ал тууралуу туугандарына айта турган болсо, интим видеону интернетке чыгарарын айтып коркутуп келгени жөнүндө айтылган.
Аталган фактыга байланыштуу 156-берене (сексуалдык мүнөздөгү аракеттерге мажбурлоо) боюнча кылмыш иши козголгон.
Бул ишке шектүү катары 37 жаштагы У.Р. аттуу жаран кармалып, убактылуу кармоочу жайга камакка алынды.
Иликтөө иштери уланууда.
