Бишкек шаарындагы «Манас» кинотеатры менен Кыргыз мамлекеттик техникалык университетинин (КМТУ) ортосуна жер астындагы өтмөк курулат. Бул тууралуу мэриянын транспорт департаментинин бөлүм башчысы Темирбек Мамашев жергиликтүү ЖМКларга билдирди.

Анын айтымында, Чыңгыз Айтматов проспектисинин бул тилкесинде мурда “зебра” бар болгон. Бирок ал жерден өтүү кооптуу болгондуктан жана көп жол кырсыгы катталгандыктан алынган. Эми бул жерде кайрадан жөө адамдар өтө ала турган өтмөк куруу пландалууда.

Мэрия буга чейин Айтматов проспектисине үч жер алдындагы өтмөк куруларын билдирген. Алар жолдогу унаалардын тоскоолдуксуз жүрүшүн камсыз кылуу максатында курулат.