Бильярд жана велоспорт боюнча адистештирилген олимпиадалык резервдеги балдар-өспүрүмдөр мектебинин тарбиялануучулары триатлон боюнча Азия кубогунда 2 алтын, 2 күмүш жана 2 коло медалга ээ болушту. Бул тууралуу Бишкек шаардык мэриясынан билдиришти.
Маалыматка караганда, 10-сентябрда Ысык-Көлдүн жээгинде Бактуу-Долоноту айылында триатлон боюнча үч категория – «Суперспринт», «Олимпиадалык аралык» жана «Эстафета» боюнча Азия кубогу болуп өттү.
Мелдешке Кыргызстан, Казакстан, Россия, Словения, Япония жана Өзбекстандын командалары катышып, жалпы катышуучулардын саны 165 адамды түздү.
Триатлон боюнча Азия кубогунун жеңүүчүлөрү:
«Суперспринт» аралыгында:
Березовская Евгения – 1-орун.
Эркектер арасында «Эстафета» категориясында:
Маткаримов Мухамед – Али жана анын командасы – 1-орун;
Дядичкин Александр жана анын командасы — 2-орун;
Ажмал Ромал жана анын командасы – 3-орун.
Кыздар арасында «Эстафета» категориясында:
Вороная Алла жана анын командасы – 2-орун;
Чалова Алимина жана анын командасы – 3-орун.
Мелдештин максаты — Кыргызстанда триатлон жана велоспорттун түрлөрүн жайылтуу жана андан ары өнүктүрүү. Сергек жашоо образын пропагандалоо, ошондой эле спорттун циклдик түрлөрү боюнча спортчулардын чеберчилик деңгээлин жогорулатуу.
Биздин Телеграм каналга катталыңыз
