Бишкек шаарынын Жеңиш турак жай конушунда 18-февралда таза суу өчүрүлөт. Бул тууралуу мэриядан билдиришти.
Маалыматка караганда, саат 10:00дөн 15:00гө чейин турак үйлөрдө, мектептерде, бала бакчаларда, саламаттык сактоо объекттеринде жана башка социалдык-тиричилик багыттагы жана өнөр-жай объекттеринде ичүүчү сууну берүү токтотулат.
Ичүүчү сууну өчүрүү «Жеңиш» суу топтомосундагы жана шаардык суу түтүк тармактарына оңдоо иштерин жүргүзүүгө байланыштуу.
«Бишкексууканал» ишканасы келтирилген ыңгайсыздыктар үчүн кечирим сурайт жана калкты, уюмдарды ичүүчү сууну эртелеп камдап алууну суранат.
Биздин Телеграм каналга катталыңыз
