Кыргызстандык мушкер Амантур Жумаев бокс боюнча жаш уландар арасындагы Азия чемпионатында күмүш байге тагынды. Бул тууралуу Дене тарбия жана спорт департаментинен билдиришти.

Жумаев 54 кг салмакта 2006-2007-жылы туулган жаш уландар арасында күч сынашты.

Ал алгач 1/8 финалда түркмөнстандык, чейрек финалда тажикстандык жана жарым финалда ирандык мушкерди жеңип, алтын үчүн беттеше турган болгон. Бирок финалда Жумаев өзбекстандык спортчуга жеңилип, Азия чемпионатынын күмүш байгесине ээ болду.

Эскерте кетсек, 2023-жылы Амантур Жумаев 16 жашка чейинки спортчулар арасында дүйнө жана Азия чемпиону болгон.