Кыргызстандык мушкер Амантур Жумаев Астана шаарында (Казакстан) өтүп жаткан өспүрүмдөр курама арасындагы Азия чемпионатында алтын медаль утту. Бул тууралуу Дене тарбия жана спорту департаментинен билдиришти.
Спортчу 52 кг салмакта күч сынашып, таймашты 1/8 финалдан баштаган. Биринчи беттешинде ал Кытайлык Тайбейдин мушкерин, андан кийин чейрек финалда түркмөнстандык спортчуну техникалык нокаут менен жеңген. Жарым финалда Япониянын мушкеринен күчтүү болуп чыккан.
Алтын медаль үчүн беттеште Амантур Жумаев казакстандык мушкерди жеңип, өспүрүмдөр арасында Азия чемпиону атанды.
Биздин Телеграм каналга катталыңыз
